ايه هو تحليل ASO) Anti-streptolysin O) وايه الطرق اللي بيتعمل بها، وامتى وليه بنعمله ، وامتى يكون ايجابي كاذب أو سلبي كاذب ، وازاي بتتفسر النتائج المختلفة اللي بتطلع معانا ؟ ــــــــــــــــــــــــــــــــــــــــــــــ أولا: تحليل ASO : التحليل ده بيتعمل عشان يقيس الأجسام المضادة Anti-streptolysin O اللي بيفرزها الجسم ضد streptolysin O اللي بيفرزه الميكروب السبحي عشان يكسر خلايا الدم الحمراء، وده بيفرز غالبا لما تكون streptococcal infection من المجموعة أ . يبقى تحليل ASO ده specific للعدوى دي تحديدا يعني وجوده يدل على إن المريض مصاب بهذا الميكروب أو سبق له الإصابة به . ــــــــــ ثانيا : عشان نعرف معنى النتيجة لازم نسأل نفسنا سؤال الأول: هو لو حصل streptococcal infection امتى هيظهر الـ ASO ؟ بداية أشهر أعراض الـ streptococcal infection هي التهاب الحلق واللوزتين ، ودي بتكون العدوى الأساسية والأعراض الأولى لها. لما بتحصل العدوى دي يبدأ الـ ASO في الظهور خلال أسبوع ، ويوصل لأعلى قيمة له خلال حوالي شهر (تحديدا من 3-5 أسابيع) وبعدها يفضل في الدم لمدة 6 شهور وممكن يفضل لمدة سنة. ــــــــــــ ثالثا: امتى بقى الدكتور بيطلب تحليل ASO ؟ الدكتور بيطلب التحليل ده لما يلاقي على الطفل أو المريض بعض الأعراض اللي تخليه يشك في وجود : rheumatic fever أو glomerulonephritis . الشكاوى المعروفة عندنا كلنا إنها أعراض الحمى الروماتيزمية هي وجع المفاصل خاصة الركب والرجلين، وممكن ارتفاع الحرارة واضطراب ضربات القلب palpitations أو هبطان وأعراض الـ endocarditis عموما . خاصة لو كانت الأعراض دي بعد إصابة قريبة بالتهاب الحلق واللوز اللي هي دليل اصلا على عدوى ستريب حدثت قريبا . ـــــــــــــــــ رابعا : ايه الأشياء اللي ممكن تعمل نتيجة سلبي كاذب ؟ - إن التحليل يتعمل في وقت مبكر قبل ظهور الأجسام المضادة في الدم. - العلاج بالكورتيزون أو corticosteroids - العلاج بمضادات حيوية، ومنها طبع البنسلين ممتد المفعول . - حالات أمراض antibody deficiency ــــــــــــــــــ خامسا : ايه الأشياء اللي ممكن تعمل نتيجة ايجابي كاذب ؟ بعض الأشياء ممكن تتداخل مع التحليل وتعطي ايجابي كاذب ، بس عموما بتعطي تتر صغير غير مؤثر غالبا، أهمها : - اجراء التحليل من البلازما لما تقدم ذكره . - ارتفاع الدهون في السيرم . - ارتفاع الجلوبيولين في السيرم . ـــــــــــــ سادسا : النتيجة بتتفسر ازاي ؟ - لو النتيجة سلبي بس الأعراض موجودة بشكل شبه مؤكد يبقى الدكتور هيطلب التحليل يتعاد مرة تانية بعد ما يفوت مدة (حوالي اسبوعين) بحيث تظهر الأجسام المضادة (ASO) لو كانت لسه مظهرتش أو متأثرة بعلاج بياخده المريض. - لو طلع تتر عالي والأعراض موجودة يبقى خلاص تشخيص سليم وياخد العلاج. - أما بقى لو طلع تتر عالي ومفيش أعراض فالدكتور ممكن يعيده بعد شهر مثلا ويشوف : لو قل يبقى خلاص عدوى وانتهت ولو زاد أو فضل زي ما هو يبقى عدوى أكيدة . ــــــــ على فكرة الـ O اللي في اسم تحليل Anti-streptolysin O دي جت منين ؟ حرف الـ O ده جاي من كلمة Oxygen labile لأن في نوع تاني من الاستربوليسين بيكون Oxygen stable ويرمز له بحرف S بدلا من O . يعني بيكون اسمه Anti- streptolysin S #معلومات_معمل_المملكة