كان في مريض بيشتكي دايما ان البول بتاعه مليان رغوه وبعدين جه المعمل فرشحنا له تحليل البول الكامل urine test اول ملحوظه شفناها هي فعلا الرغوه في البول وده كدا بنسميه foamy urine مع ان لون العينه طبيعي جدا وده خلانا نستبعد ان يكون السبب bilirubinuria ولكن لما كملنا باقي خطوات التحليل وعملنا chemical examination لاحظنا مع الاسترب ان protein in urine (+2) ولكن كان لازم يتعمل تجربه كيميائية تأكيديه لوجود protein في البول والتجربه دي هي تجربه heat and acetic acid test فأخدنا جزء من العينه واشتغلنا بيه التجربه عن طريق اننا دخلنا الجزء ده السنترفيوج وبعدين اخدنا supernatant ونقلناه لتيوب تانيه وعملنا لها تسخين علي اللهب ، وبعدها عملنا اضافه حمض الخليك acetic acid للتيوب ولكن النتيجه زي ما ظهر في الصوره العينه حصل فيها عكره بقت turbid بنسبه كبيره وده بيأكد فعلا ان عينه المريض فيها بروتين دلوقتي كدا التجربه دي أكدت ان شغل الاسترب صح بتاع الفحص الكيميائي ! وفكره ان يكون في positive protein عند مريض ده بيأكد الملحوظه الي ظهرت في الأول ان ليه في رغوه في البول بتحصل! وان فعلا واحد من أهم أسباب حدوث رغوه للبول هو ان يكون في بروتين في البول ، البروتين في البول له اسباب مرضيه كتير لنزوله مش سبب واحد وده يرجع لحاله المريض في العام ولكن دورنا كمعمل ان ربطنا النتائج في التحليل بحاجه بتظهر مع المريض في العينه بتاعته ! وباقى التشخيص والتفسير عند الطبيب المعالج #معلومات_معمل_المملكة